Келешекке кемел біліммен

27-тамыз Тараздың төрінде ауданның атқа мінер басшылары мен ұрпаққа сапалы білім, саналы тәрбие беріп отырған ұлағатты ұстаздар қауымы "Келешекке кемел біліммен" тақырыбында дәстүрге айналған тамыз кеңесінде бас қосты. 21 ғасыр-кәсіби біліктік пен ой-өрісі жоғары мамандардың ғасыры екенін ескерсек, жаңа кезеңнің қояр талабы да биік екенін естен шығармаған абзал. Білім саласының пәрменділігіне ұлттың әлемдік аренадағы бәсекеге қабілетті, оның саяси әрі мәдени дамуы мен рухани өсіп-өркендеуіне байланысты екенін, әулиеталық ұстаздар қауымының алдында мінберге шығып сөз алған білім бөлімінің басшысы Раушан Пернешқызы Қожамжарова ашып айтып, өткен жылға талдау жасап, жаңа оқу жылында жаңа міндеттер мен жоспарлардың да аз емес екенін атап өтті.