Емтиханға психологиялық көмек

Емтихан кезінде оқушы жақсы көрсеткіш көрсетіп, қобалжымау үшін психологиялық дайындық өте қажет. Осы орайда мектебімізде 11 сынып оқушыларына психологиялық көмек көрсету мақсатында «Стреспен қалай күресуге болады?»тақырыбында тренинг өткізілді. Тренинг барысы бірнеше жаттығулардан тұрды. Атап айтсақ, «Менің керемет есімім» жаттығуында оқушылар өздерінің есімдерімен қоса бойындағы жағымды жақтарын атап өтсе, «Ұжымдық санау» жаттығуында сыныппен бірлесе жұмыс жасады. «Атомдар» жаттығуы арқылы бойларын сергітіп алса, «Сенімділік серігім» жаттығуы арқылы өздеріне деген сенімділіктері күшейе түсті. Тренинг соңы оқушылардың бір-біріне арналған жылы лебіздерін білдіретін «Тілек шамы» жаттығуы арқылы аяқталды.